Ra’iisul wasaaraha Soomaaliya oo sheegay in xukuumadda iyo baarlamaanku uu waqti ka dhammaanyo bisha Ogoosto

Ra’iisul wasaaraha Soomaaliya Maxamed C/llaahi Maxamed (Farmaajo) oo hadal ka jeediyay kulan uu golaha ammaanka ee UN-ku ka yeeshay arrimaha dalka Soomaaliya ayaa sheegay in xukuumadda iyo baarlamaanka uu ka dhammaanayo waqtiga marka la gaaro bisha Ogoosto ee sannadkan, iyadoo aanay jiri doonin koox sii joogaysa muddo saddex sano ah.

Maxamed Farmaajo, wuxuu sidoo kale ka hadlay waxqabadka xukuumaddiisa isagoo sheegay in dagaallo ay Muqdisho iyo gobollada Koonfureed ee dalka ay kula galeen Xarrakatul Shabaab ay kaga guuleysteen, inta badan caasimaddana ay iyagu ka taliyaan.

“Waxaan rumeysanahay in Qarammada Midoobay ay door ku leedahay ilaalinta qaanuunka caalamiga ah, shacabka Soomaaliyeed iyo beesha calaamka ma aqballi karaan fikirka baarlamanaka oo si cad ugu xad-gud-baya sharciga dalka u dagsan, iyo saddexda sano ee ay sida iskood ah ugu kororsadeen,” ayuu yiri Farmaajo.

“Si horay loogu socdo waxaan magacaabay guddi wasiirro ah oo aan anigu madax u ahay waxaana ka codsannay baarlamaanka inaan kulanno si aan khilaafkeenna ugu xallinno is-afgarad, weli waxaan rajeynayaa inay kulmi doonaan baarlaaanka iyo xukuumadda,” ayuu hadalkiisa raaciyay.

Ra’iisul wasaaraha Soomaaliya ayaa warbixinta uu jeediyay kaga hadlay howlaha ay qabteen muddadii ay jireen, isagoo sheegay inay wadaan dadaallo ay ku doonayaan inay dib ugu soo celiyaan ammaanka sidoo kalena ay ka socdaan waddooyinka Muqdisho qaarkood dayactirro lagu soo celinayo bilicda magaalada.

Sidoo kale, wuxuu sheegay inay dadka Soomaaliyeed ee qurbaha ku nool ay gudaha dalka ku laabteen ayna bilaabeen inay dalka maalgashadaan, taasoo uu sheegay inay ku timid dadaal ay sameysay xukuumadda KMG ah ee Soomaaliya.

“Khilaafaadyada ka jira dalka waxaan rumeysannahay in lagu xallin karo inay Soomaalidu ay wadahadasho, waxaana Qarammada Midobay ka codsadaynaa inay nagu taageeraan sidii aan ku heli lahayn muddaa aan u baahannanahay si aan ku gaarno xalka siyaasadeed ee dhexdeenna ah,” ayuu yiri ra’iisul wasaaraha Soomaaliya.

Ergayga xoghayaha guud ee Qarammada Midoobay uga wakiilka ah arrimaha dalka Soomaaliya dajire Augustine Mahiga, ayaa isaguna ugu baaqay golaha ammaanka ee Qarammada Midoobay inay miisaamaan arrinta sababtay

Leave a comment

Filed under NEWS

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s